María Isabel Loza García
Estudou Farmacia na Universidade de Santiago de Compostela (USC).
Posteriormente trasladouse á Universidade de Oviedo e doutorouse en Farmacoloxía no 1987, coa tese lida na USC titulada "Comparación experimental de algunos efectos deseables e indeseables de la dipirona sódica y la dipirona magnésica".
Realizou varias estancias nos Departamentos de Fisioloxía, Biofísica e Anestesioloxía do Centro Médico Monte Sinaí de Nova York, durante o período de 1992 a 1994.
Coordina o grupo de investigación BioFarma, actualmente ubicado no CIMUS, na USC. Dirixiu 22 teses de doutoramento e participa en 100 proxectos de investigación de posgrao. Tamén é revisora de varias revistas nas áreas de farmacoloxía, química, médica e descubrimento de novos fármacos. Autora de 161 artigos publicados en revistas e arredor de 200 comunicacións a congresos sobre farmacoloxía, química medicinal e neurociencias.
É patroa fundadora e codirectora científica da Fundación Kærtor, unha iniciativa galega de alcance global, pioneira en innovación aberta e codesenvolvemento público-privado no descubrimento de fármacos. Dá continuidade aos resultados do proxecto Innopharma da USC, xunto co profesor Ángel Carracedo, especialista en medicina xenómica.
Como emprendedora participou na creación de tres compañías (Pharmatools Digital Interactive Services, AllelyusyOncostellae), creou a plataforma de screening de fármacos USEF, y lidera a Rede Galega de I+D de Medicamentos.
Participou no descubrimento de 11 candidatos a fármacos que chegaron a ensaios clínicos en doentes, dentro de programas de transferencia de I+D+i coa industria farmacéutica.
Nos últimos anos o seu labor especializouse no desenvolvemento de proxectos de colaboración entre a Universidade de Santiago e a industria farmacéutica, para a elaboración de fármacos innovadores.